Mavlono Jaloliddin Rumiy - jumla bashariyat nomini hamisha iftixor ila tilga oladigan buyuk ijodkor, betimsol alloma, uning "Masnaviyi ma'naviy" asari esa teran hayotiy o'gitlar, bebaho hikmat-u haqiqatlar xazinasidir. "Masnaviy"ni varaqlab, durdona pand-u hikmatlarni saralab, aziz kitobxonlarimiz uchun ixcham bir saylanma tuzdik. Umid ulkim, ulug' bobokalon shoirimizning muborak ruhi shod, uning ruhoniyatiga oshno bo'lganlarning ko'ngillari obod bo'lgay.

Abdulloh Abdulmuʼtiy, Huda Saʼid Bahlul tomonidan yozilgan mazkur kitob qizlarimiz hayotda duch kelayotgan qiyinchiliklar, sinovlar haqidadir. Bu holatlarda qizlar qanday yo‘l tutishi kerakligi kitobchada hayotiy tajribalar asosida amaliy ko‘rsatmalar berilgan. Shuni ham aytib o‘tish kerakki, kitob faqat qizlar uchun mo‘ljallanmagan. Kitobdagi maʼlumotlar, o‘gitlar, tavsiya va tajribalar nafaqat o‘smir qizlar, balki katta yoshdagi ayollar uchun ham, onalar uchun ham foydalidir. Ayni paytda kitobni onasi, ayoli, opa-singlisi, qizi bor erkaklar ham o‘qishi tavsiya qilamiz. Kitobda qizlarning ichki dunyosiga, feʼl-atvoriga oid ko‘plab maʼlumotlar, qizlar hayotida ko‘p duch keladigan muammolar berilganki, ko‘pchilik erkaklarimiz bulardan bexabardir. Kitobni yosh yigitlar, otalar ham o‘qisa, ayol kishining nimadan xursand bo‘lib, nimadan xafa bo‘lishi, uni nima mahzun qilishi va yana shu kabi turli holatlarni yaxshiroq tushunib, ularga munosib yechim topa oladilar, ahli oila bilan muomala qilishda, tarbiyasi o‘ta nozik sanalgan qiz farzandlarini voyaga yetkazishda qiynalmaydilar, inshaalloh.

Pokistonlik tadqiqotchi, general-leytenant Ali Ibrohim Akramning “Xolid ibn al-Valid. Yengilmas qo‘mondon” nomli kitobi — islom tarixidagi muhim shaxslardan biri bo‘lgan Xolid ibn al-Validning hayoti va harbiy muvaffaqiyatlariga bag‘ishlangan tarixiy-badiiy romandir. Ushbu asar islom dini uchun olib borilgan janglar tarixini yoritib, musulmon qo‘mondonlarining jasorati va strategik mahoratini ko‘rsatadi. Kitob tarixiy manbalarga asoslanib, jang maydonlarining aniq tasviri va muallifning shaxsiy dalolatlari bilan boyitilgan. Xolid ibn al-Valid — Payg‘ambarimiz Muhammad (s.a.v.)ning zamondoshi, Makkadan bo‘lgan Quraysh qabilasi vakili, dastlab islomga qarshi jang qilgan, ammo keyinchalik uni qabul qilib, islomning eng buyuk sarkardalaridan biriga aylangan. Ushbu kitob uning Uxud jangidan tortib Iroq va Suriyani ozod qilishgacha bo‘lgan faoliyatini yoritib, u haqidagi qarama-qarshi fikrlarni rad etadi va uning islom tarixidagi muhim rolini aniq ko‘rsatadi.

"Men suyukli Paygʻambarimiz sollallohu alayhi vasallamning hayot yoʻllarini, siyratlarini oʻrganar ekanman, bugungi kunimizga oʻxshash juda koʻp holatlarga guvoh boʻlaman. Lekin koʻpchilik insonlar buni bilmaydilar. Men Rasuli akram alayhissalomga haqiqiy maʼnoda ergashishni hayot tarzimizga aylantirishni istadim.Nabiy sollallohu alayhi vasallamdan bugungi kunda qanday hayot kechirishimiz zarurligini oʻrganishimiz va buni bayon qilishni xohladim. Jamiyatimizda ildiz otgan muammolarga, gʻam-gussalarga qay darajada barham berishni bilish uchun habibimizdan taʼlim olish lozimligini ochiqlashga harakat qildim." Muallifdan

Ushbu kitobida jannat va do‘zax hamda ularning sifatlari haqida oyati karimalar, hadisi shariflar atroflicha bayon qilingan. Jannat ahli jannatda, do‘zax ahli jahannamda abadiy qoladi. Bunga hech qanday shak-shubha yo‘q. Faqat do‘zaxga tushgan osiy mo‘mingina gunohiga yarasha jazoni olgach, jannatga kirgiziladi. Mazkur asarni mutolaa qilgan kishi beixtiyor dimog‘ida xushbo‘y hidlarni, ayniqsa, jannat iforlarini tuysa, ajab emas.

Gunohga qo'l uray deganingda oldingdan bir mayitni ko'tarib o'tishadi. Ichingdan titrab joyingda qotasan. Bosar-tusaringni bilmay qolganingda bir kasallikka giriftor bo'lasanu o'zingga kelasan. Insonlarga haddan ziyod suyanib yuborganingda ular senga xiyonat qilishadi, keyin aqling kiradi. Gohida gunohlaring tufayli g'amga botib qolasan. Allohning rahmati keng ekani haqida bir oyat eshitasan va u qalbingga malham bo'ladi. Boshing qotib turganda mushkulingga yechim bo'ladigan hadis eshitasan. Unga amal qilasanu ishlaring o'z yo'liga tushib ketganini ko'rasan. Bularning bari Allohning senga yo'llagan maktublaridir. Ushbu <<Qur'ondan maktublar» nomli kitobim Alloh bizni O'ziga qaytarish uchun doim maktublar yo'llab turishiga ishongan har bir musulmonga bag'ishlanadi.

Bu risolada Ali va Fotima roziyallohu anhumolarning maskan odoblari saxix qavllar ila yoritilib,sevgi,muhabbat va oila ular nazdida qanday ahamiyat kasb etgani bayon qilingan.Kitob nikoh va oilaning ahamiyati,juftlarning bir-biri oldidagi burch va masuliyatlari, tinch-totuv umrguzaronlik qilish sirlari xaqida ma'lumot beradi. Shu bilan birga undan ahloq va adab minoralari tobora nurab borayotgan bugungi jamiyatda xusni xulqni,xayo va iffatni muhofaza qilish,odob doirasida yashashga doir xayotiy tavsiyalar taqdim etiladi.

“Muqaddima” Ibn Xaldunning eng mashhur asari bo‘lib, u tarixshunoslik, sotsiologiya va iqtisod fanlariga asos solgan fundamental asarlardan biri hisoblanadi. Ibn Xaldun bu kitobni o‘zining katta “Kitob al-Ibar” asariga muqaddima sifatida yozgan, biroq u mustaqil ilmiy asarga aylanib ketgan.

Chak Palanik oʻzining debyut asari bilan oʻz avlodining eng ilgʻor satirik yozuvchilaridan biri ekanini isbotlaydi. "Jangovar klub" (Fight Club) romanida voqealar zerikarli ishidan bezgan va Tayler Dorden ismli sirli, noodatiy yigit taʼsiriga tushib qolgan befarq hikoyachi tilidan soʻzlanadi. Tayler ish vaqtidan keyin barlarning yertoʻlalarida maxfiy boks musobaqalarini tashkil qiladi. Bu janglarda ikki erkak oʻzlari chiday olguncha oʻzaro kurashishadi. Roman gʻoyatda oʻziga xos boʻlib, zamonaviy dunyomiz tubida yashiringan zulmatni ochib beradi.

Bu roman orqali biz Doktor Vatson hamda Sherlok Xolms bilan tanishamiz. Agar siz ham detektiv asarlarga qiziqsangiz, ushbu kitob aynan siz uchun!